नवी मुंबई : प्रेमाचा उत्सव म्हणजेच ‘व्हॅलेंटाईन डे’चे औचित्य साधून वाशी येथील इनऑर्बिट मॉल सज्ज झाला आहे. केवळ खरेदीचे केंद्र न राहता, आठवणींचे दालन उघडण्याच्या उद्देशाने मॉलने ११ ते १४ फेब्रुवारी दरम्यान विविध नाविन्यपूर्ण आणि संवादात्मक उपक्रमांचे आयोजन केले आहे.

या उपक्रमांची सुरुवात रोज दुपारी ४:३० वाजल्यापासून होणार असून, जोडप्यांसह मित्र-मैत्रिणी आणि कुटुंबांसाठी हे खास आकर्षण ठरणार आहे.

उत्सवाची सुरुवात ११ फेब्रुवारीला ‘प्रॉमिस डे’ निमित्त ‘वॅक्स हँड एंगेजमेंट’ उपक्रमाने होणार आहे. या उपक्रमात सहभागी जोडपी व मित्रपरिवार हाताचा मेणाचा साचा तयार करून नात्यातील बांधिलकी आणि एकोप्याचे प्रतीक म्हणून स्मरणचिन्ह जतन करू शकतील. १२ फेब्रुवारीला जुन्या आठवणींना उजाळा देणारा ‘विंटेज टाइप्ड लेटर्स’ अनुभव देण्यात येणार असून, अभ्यागतांना टायपरायटरवर मनोगत व्यक्त करत वैयक्तिक, कालातीत पत्र लिहिण्याची संधी मिळेल.

१३ फेब्रुवारीला ‘किस डे’ निमित्त ‘लिप बाम मेकिंग’ कार्यशाळा आयोजित करण्यात आली आहे. या डीवायपी उपक्रमातून सहभागी स्वतःचा लिप बाम तयार करत सेल्फ-केअरचा गोड अनुभव घेऊ शकतील. व्हॅलेंटाइन डे अर्थात १४ फेब्रुवारीला ‘पिझ्झा मेकिंग विथ युवर व्हॅलेंटाइन’ हा विशेष उपक्रम एसबारोच्या सहकार्याने होणार असून, जोडप्यांना एकत्र पिझ्झा बनवण्याचा आनंददायी अनुभव देण्यात येईल.

उत्सवाची रंगत वाढवण्यासाठी मिनिसो, द बॉडी शॉप, रुबान्स आणि बेवकूफ यांसारख्या लोकप्रिय ब्रँड्सना व्हॅलेंटाइन सेट-अपमध्ये पॉप-अप स्टोअर्ससाठी जागा देण्यात आली आहे. खरेदीसोबतच अनुभवाधारित उपक्रमांची ही मेजवानी अभ्यागतांमध्ये संवाद, आनंद आणि आठवणी निर्माण करण्यावर भर देत असल्याचे मॉल व्यवस्थापनाने सांगितले.

या उपक्रमांमुळे इनऑर्बिट मॉल वाशी केवळ खरेदीचे केंद्र न राहता, नात्यांना जवळ आणणारे आणि उत्सवाला अनुभवांची जोड देणारे ठिकाण म्हणून स्वतःची ओळख अधिक बळकट करत आहे.